A igualdade de oportunidades é unha forma de xustiza social que propugna que un sistema é socialmente xusto cando todas as persoas teñen as mesmas posibilidades de acceder ao benestar social e posúen os mesmos dereitos políticos e civís.
En Lobeira, xa sabemos que, de feito, non todos somos iguais ante a lei, que hai privilexios, prebendas e tratos de favor segundo o parentesco, ou outras circunstancias (relacións de amizade, sentimentais ou políticas) que establecen diferenzas, preferencias e unha inxustificable desigualdade entre uns e outros.
Esta situación tórnase especialmente notoria, ao par que agravante. Pero este tema é así, pese a que a hipnoses colectiva fai que gran parte da poboación mire para outro lado considerando o tema como outro “tabú” máis dos que existen en Lobeira.
PREVARICAR, non é nin máis nin menos que tomar decisións a sabendas de que son inxustas, co obxecto de beneficiar a persoa, ou persoas, determinadas. Dar traballo a parados non é inxusto; a pregunta é, ¿por qué sempre aos mesmos parados?, ¿non ten tódolos parados de Lobeira dereito a seren contratados polo concello?; isto si que é inxusto e presuntamente ilegal.
O BNG de Lobeira estudia a posibilidade de por en coñecemento da xustiza unha serie de contratos temporais efectuados polo concello nos últimos anos, e que poderían ser constitutivos de “un presunto delito de prevaricación continuada”.
Para o BNG, este tipo de contratacións amosan que ao grupo de goberno do PP “non lle interesa o emprego de todos por igual, xa que non todos teñen as mesmas posibilidades de acceso aos postos da administración municipal”.
Pero ainda estades "estudando a posibilidade" de presentar denuncia polo feito das irregulares contratacións? Ao peor durante o longo tempo do estudo chegan as eleccións e unha vez máis pasasevos o arroz. ¡Deus queira que non sexa así! Atentos saúdos. ALanda
ResponderEliminarAos do BNG lles diría que non perdan o tempo con denuncias, total vannas arquivar, ou non vistes o que pasou noutros concellos con denuncias pola contratación ou por corrupción nas adxudicacións de obras ou servizos. Xudicialmente non hai nada a facer, os xuíces non se mollan con estos temas anque saben que hai prevaricación.
ResponderEliminarFalta pouco para unhas eleccións onde vos xogades (entre todos) o desbancar ao pp da alcaldía, eso sí é o interesante neste momento.
Pois moi ben. A xustiza segundo o comentario anterior esconde a cabeza ante a realidade. Se non se denuncian os casos de prevaricación, como se lle pode ir a pedir logo o voto á xente?
ResponderEliminarDende un punto de vista práctico pode ser que teña razón o comentarista anterior pero a obriga dos nosos representantes é poñer en coñecemento dos xuíces as irregularidades que estamos a sufrir. Se así non se fai temos un dobre problema. UNS PREVARICAN E OUTROS CALAN. Con estas mesmas ideas tampouco valerá a pena denunciar os empadroamentos fraudulentos que se teñen producido. É dicir a mensaxe para os membros do BNG e aos outros grupos parece ser: Non vale a pena presentar denuncias por prevaricación. Non vale a pena denunciar os empadroamentos fraudulentos. Non vale a pena denunciar nada. Pero iso si, teñen que moverse para desbancar ao PP do concello. E iso como se fai, rezando cada día unha novena a Santa Rita? MARAVILLOSO